Please enable / Bitte aktiviere JavaScript!
Veuillez activer / Por favor activa el Javascript! [ ? ]

728x90 AdSpace

الثلاثاء، 22 نوفمبر 2016

تامر حسني يرد علي سخرية رواد الفيسبوك من صورة له

الثلاثاء، 22 نوفمبر 2016


علق الفنان تامر حسني علي موجة السخرية،التي تصدرت مواقع التواصل الإجتماعي عن ملابسة وشكلة في صورة قديمة تم إعادة نشرها له من جديد، واعتبر الكثيرين أنها اكبر دليل علي ان النجوم صنيعة الثراء، وأن الأموال تغير أشكال البشر.

تامر رد علي الهجوم بأنه فخور بنفسة وبما قدمة في مشوارة الفني، كما أنه يفخر بهذا الولد الصغير الذي أصر علي النجاح، أنه كان يقلد المشاهير في بدايتة ولكنه قرر أن يكون مشهورا وبالفعل حقق ذلك .

وكتب علي صفحتة علي الفيسبوك:"لمن يهمه الأمر .. من يومين نزلت صوره ليا وانا صغير وشغلت ناس كتير وفضلوا يتريقوا على الصوره في الحقيقه اني فالوقت ده فعلاً كنت بحاول اقلد المشاهير في صورهم وافلامهم وحراكاتهم وبغض النظر عن ان فالوقت ده كانت الموضات شبه كده".

وتابع، وأنا بقول شبه كده لأني كنت ولد صغير معندوش فلوس نهائي يشتري لنفسه حاجه غاليه ولا عنده اب يشتريله حاجه اصلاً اللي عايز اقوله اني من يوم الصوره دي وانا حالف اني اتصورها بجد وانا مشهور الصوره دي بتثبت لأي شاب ايجابي ان مفيش مستحيل واللي عايز يتريق على الولد اللي فالصوره هقوله يارب تنجح زيه .

وأضاف:"انا فخور بالصوره دي وانهارده بقول للولد الصغير ده انت راجل عشان حلمت بحلم وحققته وبدأت من تحت الصفر ووصلت لحلمك بمجهودك وعرقك .

وكمان اشتغلت شغلانات كتير فيها شقى وتعب عشان تصرف على اهلك من وانت فالسن ده شكراً يا ولد يا صغير اصرارك عمل مني راجل انسان فنان اسمه تامرحسني"


المصدر: مصراوي




تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.
  • تعليق بلوجر
  • تعليق الفيسبوك

0 تعليقات:

إرسال تعليق

تم التقييم: تامر حسني يرد علي سخرية رواد الفيسبوك من صورة له التقييم: 5 تم التقييم بواسطة: Wael
إلى أعلى