Please enable / Bitte aktiviere JavaScript!
Veuillez activer / Por favor activa el Javascript! [ ? ]

728x90 AdSpace

الاثنين، 28 نوفمبر 2016

عيسى: 30 يونيو دمرت مصر..والناس في وهم والانفجار قادم

الاثنين، 28 نوفمبر 2016


استنكر الإعلامي إبراهيم عيسى، سيطرة الأجهزة الأمنية على الدولة وتحكمها في إدارة شئونها وفرض سطوتها حتى على البرلمان، وغياب الحكومة؛ وإهمال الدستور، وقال: "حالنا عامل زي فيلم الإرهاب والكباب، الشعب مش عارف يعمل إيه فيقولك هات كباب".

وأضاف "عيسى"، في برنامجه "مع إبراهيم عيسى" المذاع على قناة "القاهرة والناس": "احنا مش عارفين عايزين إيه، قامت ثورة 25 يناير لإسقاط نظام مبارك، ولما مشي محدش عارف هنعمل إيه، اللي يقول مجلس انتقالي ومش عارف إيه، ومفيش خطة ولا برنامج، محدش شغال على مشروع، فاتخطفت من اللي عنده خطة، واتسرقت وفشلت من اللي عنده خطة، حتى خطة برنامج العمل الخاص بـ30 يونيو و3 يوليو لم نعرف ماذا نريد، لإن كل حاجة غلط عشان مفيش خطة".

وأضاف "عيسى": "في 30 يونيو البلد كلها طالعة عايزة تنهي جماعة الإخوان والإسلام السياسي والتجارة باسم الدين، والحكم باسم المرشد وباسم الدين، لكن مفيش حاجة من دي انتهت، والسلفية هي اللي بتحكم، والأزهر تحول لكهنوت، الناس مش عارفة عايزة إيه، كل اللي تسأله عايز استقرار والستر، الناس قرفت واتخنقت، وعايزين يعيشوا في الوهم أحسن، ولكن الخوف والفزع من المستقبل وغياب الاستقرار مش هيقدم حاجة، لأن معندناش خطة".

وتابع: "أجهزة الأمن تدير مصر، مش عارف عايزة إيه، وعايزين يوصلوا مصر لإيه؟، هي عايزة ترجعنا لقبل 25 يناير، يعني هي كانت كويسة!، ما اتهدت بعدها، عايزين إيه بالضبط؟، عايزين الناس تسكت، ماهم ساكتين، ودا دليل إن الانفجار قادم!، عايزة إيه من منع دا وكبت دا؟!، مشددًا: "خطة أجهزة الأمن إن مصر تكون آمنة، لا مش ظاهر كدا، البلد المكتومة مش بلد آمنة، واللي بصوت واحد مش بلد آمنة، داسمعتنا اتهزت في الخارج، عايشين على التعليمات والأوامر فقط".

واستكمل: "استراتيجية التنمية المستدامة 2030 مبذول فيها جهد كبير من قبل وزارة التخطيط ولكن ليس لديها رؤية سياسية وحضارية واضحة، وبرامج الدولة غائبة تمامًا عن الاستعداد للغد، والوزارات شغالة زي عمال الترحيل باليومية".  

المصدر: بوابة القاهرة




تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.
  • تعليق بلوجر
  • تعليق الفيسبوك

0 تعليقات:

إرسال تعليق

تم التقييم: عيسى: 30 يونيو دمرت مصر..والناس في وهم والانفجار قادم التقييم: 5 تم التقييم بواسطة: Wael
إلى أعلى